Бид нэг дэлхийтэй #8

Ээждээ илгээх захидал

Сайн байна уу гэж би
Захидлаа эхлэж байна
Сайхан ээждээ зориулж
Дурьдатгал бичиж сууна
Сар нар ээлжлэн
Өдөр хоног өнгөрсөөр
Саяхан мэт санагдавч
Өнгөрөн оджээ цаг хугацаа
Гурван жилийн өмнө би
Ээжтэй байсан
Гурван сарын гучин нэгэнд би
Ээжтэй байсан
Энэрэлгүй орчлон надад хатуурхахдаа
Ээжийг минь надаас аваад явчихсан
Эгэл жирийн л миний ээж
Эрх охиндоо нар байсан

Дагадаг, дагуулдаг боллоо

Монголын анхны хамгийн том төрөлжсөн "Social news" болох "mixx.mn" - нь ажиллаж эхлээд нэг нас хүрэх гэж байна. Өнгөрсөн хугацаанд байнга хөгжүүлж, сайжруулж ирсэн. Энэ удаад бид "Social" төрлийн вэбүүдэд байдаг бие биетэйгээ танилцах, танилуудынхаа юу оруулж, юу хийж байгааг мэдэх боломжтой нэмэлт модулиа сайжруулан ажилгаанд оруулж байна. Анхны хувилбар дээр энэхүү модуль нь байсан ба тодорхой шалтгааны улмаас ажиллагаагүй болгосоноо энэ удаад илүү сайжруулан сэргээлээ. Ингэхдээ бидний сайн мэдэх Twiiter (Twitter гэж юу вэ?)-д байдаг "Followers, Following" - той адилхан зарчимаар ажилладаг болгосон юм. Одоогоор эдгээр 2 үг /Followers, Following, Follow, Unfollow/ - сийг орчуулаагүй хэрэглэж байгаа ба мэргэн уншигч та зөв орчуулгыг нь хэлж тус болоорой.

“Social news” гэж юу вэ? Түүний амьдралын мөчлөг

Та бүхэнд өнөөдөр “Social news” гэж юу болох, ашиг тус нь юунд байдаг талаархи ойлголтыг өгөх зорилгоор mixx.mn дээр жишээ болгон энэхүү зурган тайлбарыг бэлдлээ.

Та ч гэсэн мэдээг нийгэмшүүлэхэд гар бие оролцох боломжтой. Мэдээллийг нийгэмшүүлцгээе.
Зурган дарж томоор харна уу!

Зөгнөлт цайз

Цаг гарга

Баяр чадлийн ундарга тул бодож сэтгэхэд цаг гарга
Бага залуу xарагдаx тул тоглож наадаxад цаг гарга
Орчлонгийн жам өршөөлгүй тул мөргөж сүсэглэxэд цаг гарга
Оюун уxаан ундаршгүй тул уншиж мэдэxэд цаг гарга

Ариун xишиг бурxныx тул xайр сэтгэлдээ цаг гарга
Аз жаргалын xаргуй тул найз нөxөддөө цаг гарга
Зүрx сэтгэлийн дуулал тул инээж баясаxад цаг гарга
Зүдрэx цаг ээлжтэй тул өглөг xишигт цаг гарга
Xөлс болгон шагнал тул ажил xөдөлмөрт цаг гарга
Xүрэx диваажин нэxэлтэй тул буян xурааxад цаг гарга

Монгол шүлэг

Шашны уншлага, буяны ерөөлд шингэж
Шад шадаараа утга хөглөх тарни Монгол шүлэг
Шүтээн төгс оюун билэгт ард түмний
Шүлэглэн бичиж сүсэглэн залбирсан судар Монгол шүлэг

Дорнын өнгө аяс жүнз дарс, тэргэл сартай цуг
Дотроосоо төлжиж гадагшаа дэлбээлсэн үгэн лянхуа Монгол шүлэг
Домог нь хуучираагүй хуурын чавхдасын аялгуунд ханьсаж
Долоон эгшигтэй сүлэлдэж туульс болсон Монгол шүлэг

Нуурын шувууд уулсын оргилдоо тэмүүлсэн газраас
Нулимс дуслуулж чулуу өвөртлөх төрсөн буйр
Нуган үрдээ үлдээсэн өвгөдийн захиасны үзүүрт
Нутгаа санагалзах, эх орноо магтах дуун Монгол шүлэг